Aakhri Sahara

                                                                    Aakhri Sahara

Ik roz sakhtiiye jaa se bazaar, ik pakhdandi per chalta hoa mein kaheen door nikal gaya. Sar sabz fiza mein hawa marham ki c maanind, maseehai k tamam ausaaf se mamoor, apni dilfareb raftaar se chalti aur pattun k seeney sehlaati hoi bewajeh qarar bakhshti thi. Mein pattun ki band hoti aankhain daikh raha tha, jo ghash e taskeen se bojhal theen, jese din bhar ki taweel shokh noomaesh k baad thakan se choor hun.

Apne mathey per parhey baalun ko hata kr mene apni ungliun ko kuch aise pechida ballun mein lehraya k dhanak k madham hote rang besaakhta ulajh se gae. Ye daikh kr pattey zra sehm gae aur who sabz shikasta nazrein jese kisi hijab mein pooshida ho gaeen.

Mujhe khud ka saffaq hona beshaq nagawar guzra lekin chashni e chashm ki khaahish se majboor, kisi aur haseen iltefaat e fitrat ki talash mein, mene apni nazr ko kushada maasum aur behad zameen pe dorhaya naheen. Bs nazr thi k tehelti hoi ek daal se dusri daal aur ek ik manzar se piyas bhujati rahi. Dil e natwaan se sulaghtey hoe ghao bharne lage. Tabiyat e fitrat ki shaffafi o shadabi se mene who ghamgusari aur taskeen kashid ki jo koi zee roh chah kr bhi nahi bakhsh skti. Mein pehrun un asbaab e sukoon se guftagoo krta. Hawa ki mojun mein mehlool ho kr ‘Hum’ yani mein aur mere khayalat khud ko zamaney ki besabti se mubarra mehsos mehsos krte. Aur kabhi shokhi o shararat se bharpoor koi lamha ek aisa ehsas de jata jisey alfaaz mein dhaalney k liye ek taweel umr darker he.

      Kumail Kazmi